جلسة تسريبة من برنامج The Weight Shift ✨

إذا حابة تتعرّفي على طريقة العمل داخل The Weight Shift قبل ما تاخدي قرار بالانضمام للبرنامج الكامل، هيدي الجلسة معمولة كرمال تعطيكي تجربة حقيقية من الداخل.

بهالجلسة، ما رح نركّز بس على السلوك الظاهر أو على شو لازم تاكلي وشو لازم توقفي. الفكرة إنك تبلّشي تلاحظي شو ممكن يكون عم يصير أعمق من الأكل نفسه: المشاعر، الأفكار، الـ patterns، والمعتقدات اللي ممكن تكون مرتبطة بعلاقتك مع الأكل والوزن.

رح تختاري نوع واحد محدد من الأكل وتشتغلي عليه خلال الجلسة، حتى تراقبي شو المشاعر أو المواقف أو الأفكار اللي ممكن تكون مرتبطة فيه، وتفهمي أكتر ليش أحياناً بتشتاقي له أو بتاكلي منه حتى لما ما يكون في جوع حقيقي.

✨ شو ممكن تكتشفي وتشتغلي عليه خلال الجلسة؟

• تلاحظي الرابط بين الأكلة وبين مشاعر مثل الراحة، المكافأة، التوتر، الملل، الحب أو الأمان.

• تفهمي شو ممكن يكون الجذر الأعمق وراء تعلقك بأكلة معينة بدل التركيز فقط على محاولة منع نفسك منها.

• تشتغلي على الاستجابة التلقائية تجاه الأكل بدل الاعتماد دائماً على المقاومة والـ willpower.

• تلاحظي إذا خفّت الرغبة الملحّة أو الـ cravings تجاه الأكلة بعد التطبيق.

• تبدئي تفصلي الأكلة عن بعض المشاهد، المواقف أو المشاعر اللي كانت مرتبطة فيها.

• تنتقلي تدريجياً من عقلية:
  "يا بمنع حالي يا بخربها"
  لعلاقة أهدى وأكثر وعي ومرونة مع الأكل.

• تتعلمي تقنية فيكي ترجعي تطبقيها لاحقاً على أكلات أو patterns مختلفة.

وإذا لاحظتي تغيير بعلاقتك مع الأكلة، الفكرة مش إنك "ممنوعة" تاكليها مرة تانية، بالعكس: الهدف إنك تقدري تتعاملي معها بهدوء أكبر، تاكلي كمية مناسبة لإلك، وتلاحظي إشارات جسمك من دون إحساس مستمر إنك لازم تكمّلي أو إنك فقدتي السيطرة.

💛 بدل سؤال:

"كيف بمنع حالي من الأكل؟"

منبلّش نسأل:

"شو الحاجة أو الشعور اللي عم يخليني أحتاج هالأكلة بهالطريقة؟"

لأن لما نفهم شو موجود تحت السلوك، ممكن يصير التغيير أهدى وأقل اعتماداً على القوة والمقاومة اليومية.

شو رح تاخدي من الجلسة؟

• تجربة حقيقية من داخل برنامج The Weight Shift

• تمرين عملي من البرنامج

• فهم أعمق للعلاقة بين المشاعر والأكل

• ملاحظة بعض الـ patterns اللي ممكن تكون عم تتكرر

• تجربة الفرق بين محاولة السيطرة على السلوك والعمل على الجذور

• تقنية فيكي تعيدي استخدامها مع أكلات مختلفة

• فرصة تتعرّفي على أسلوب البرنامج قبل الانضمام للرحلة الكاملة

⚠️ ملاحظة مهمة قبل الجلسة

يرجى تحضير بعض الأكلات المفضلة عندك قبل ما تبلّشي الجلسة.

اختاري أكلة بتشعري إنك بتشتهيها كثير، أو بتلاقي صعوبة توقفّي عند كمية معينة منها، أو بتحسي إنها مرتبطة بمزاج أو شعور معيّن.

خلال الجلسة، رح نشتغل على نوع واحد محدد من الأكل.

وبعدها، فيكي تعيدي تطبيق نفس التقنية بأوقات مختلفة على أكلات أو patterns أخرى.

⏳ مدة الوصول

وصول للجلسة متاح لمدة 3 أيام فقط من وقت حصولك على الوصول

مننصحك تفتحي الجلسة وتطبّقيها خلال هالفترة حتى تستفيدي من التجربة كاملة.

مهم تعرفي 💛

هيدي الجلسة هي جلسة مختارة من داخل The Weight Shift، وما بتغني عن البرنامج الكامل.

البرنامج الكامل بيشتغل على رحلة أوسع، ومواضيع وأنماط ومعتقدات متعددة بطريقة أعمق ومنظّمة أكتر.

والتجربة والنتائج بتختلف من شخص للتاني، لذلك الهدف من هالجلسة هو إنك تختبري طريقة العمل بنفسك، وتلاحظي شو بيتغيّر معك بعلاقتك مع الأكل بعد التطبيق.