ورشة دفشة تطوريّة 🌱
$49$69
🌱 ورشة دفشة تطوريّة
بعد نجاح الفوج الثاني، منبلش الفوج الثالث يوم 24-10-2026
بتحكي مع طفلك طول اليوم وحاسة إنه مش عم يستجيب؟
بتحسي بالإحباط لما يرمي حاله عالأرض ويصرخ لأنه مش عارف يعبر عن اللي بده إياه؟
إنتي مش لحالك، ومجهودك مش ضايع. كل ما في الموضوع إنّك محتاجة تتعلمي "طريقة تواصل" مختلفة.
أهلاً فيكي في ورشة دفشة تطوريّة — 3 لقاءات صممتها خصيصاً للأمهات المرهقات اللي بدهم يدعموا أطفالهم بطريقة صحيحة، علمية، ومن قلب روتينهم العادي.
👇 شو رح نشتغل مع بعض؟
اللقاء الأول: رح أساعدك تفهمي طفلك موجود بأي مرحلة، وتفهمي أسلوب تواصله، وتحددي شو أسلوب تواصلك إنتي.
اللقاء الثاني: أدوات تطبيقيّة وقواعد ذهبيّة بالتواصل مع طفلك — أول خطوة باتجاه إنّك تشوفي طفلك بتطوّر.
اللقاء الثالث: بعد أسبوعين من اللقاء الأول. رح نمرق على استفساراتك بالتطبيق، وناخد أمثلة وتجارب ونناقشها سوا.
🌱 بعد الـ3 لقاءات رح يكون عندك:
✔️ معرفة واضحة بأي مرحلة تواصل طفلك موجود، وشو الخطوة الجاية إله
✔️ خطة مخصّصة لطفلك — جاهزة تطبقيها من بكرا
✔️ أدوات بتستخدميها بروتينك العادي، بدون وقت إضافي ولا جلسات
✔️ مجموعة واتساب مع أمهات بنفس رحلتك، وأنا معكم متابعة يوم بيوم وبرد على استفساراتك
بدك تشوفي آراء كمان أمهات؟
📅 المواعيد
اللقاء الأول والثاني: السبت والأحد، 24 و 25 / 10 / 2026
اللقاء الثالث: بعد أسبوعين، الأحد 8 / 11 / 2026
كل اللقاءات الساعة 9 مساءً بتوقيت القدس
💛 مش قادرة تحضري بث مباشر؟ عادي
كل اللقاءات رح تكون مسجلة ومتاحة ترجعيلها لمّا بدّك لمدّة سنة كاملة! بتتفرجي وقت ما بيناسبك، وبتسألي بالمجموعة وبرد عليكي شخصياً.
يعني ما في إشي بتخسريه إذا صار ظرف وما لحقتي.
💡 هاي الورشة إلك إذا:
كنتِ أم عاملة أو ربة منزل، وما عندك وقت تفرغيه لجلسات نطق، وبدك حلول عمليّة وتطبيقيّة تشتغل من قلب يومك العادي.
👩⚕️ مين رح تكون معك؟
أنا رغَد — أم لطفل، وأخصائية نطق ولغة.
حاصلة على بكالوريوس نطق وسمع من جامعة بيرزيت، وماجستير دراسات إدراكية من جامعة شيفيلد - بريطانيا، ومعتمدة من برنامج
Hanen العالمي في
وهو من أكتر البرامج المعتمدة عالمياً بتدريب الأهل على دعم لغة أطفالهم.
بشتغل مع الأمهات من سنين، وصممت هالورشة من اللي شفته بشتغل فعلاً مع أطفال بعمر 0-5. مش نظريات — أدوات جربتها مع أمهات حقيقيات وشفت نتيجتها.
وأنا كمان أم، فبعرف شو يعني تكوني مرهقة وبدك تعملي الصح لطفلك وما بتلاقي وقت.
💰 السعر بالتسجيل المبكّر
$49
بدل $69
استثمار بسيط بعادل وجبة غدا — لكن أثره رح يضل مع طفلك العمر كله، ويخفف عنك توتر كل يوم.
الدفع بالفيزا أو PayPal — اختاري اللي بيريحك.
⏳ التسجيل المبكّر بنتهي يوم الأحد 11-10
والتسجيل للورشة بسكّر يوم الجمعة 23-10 الساعة 10 مساءً
عدد المقاعد محدود حتّى أقدر أتابع مع كل الأمهات كما يجب!
هدى
شكرًا شكرًا رغد والله كتير الدورة ساعدتني لانو جد حتى وأنا بالموقف صرت أتذكر شو هلا عم يسوي صح أو غلط وهاد عم بعكس على كل أسلوب الحياة
نرمين
صرت اكتشف كل يوم عن يوم إنه عنده كلمات كتير بلشت تطلع
سما
برأيي الورشة كثير كانت مفيدة وغنية جدا بالمعلومات خاصة الأمثلة العملية كثييير بتساعد. حبيت انه كان عندك معلومات عن كل طفل نسبيا وكنتِ بتحاولي تعرفي اكثر وتقدمي نصائح جد خاصة بالطفل نفسه. يعني أنا حسيتها كانت قرار كثير صح بحالتي، أم مش عارفة شو صح وشو غلط وبدها تعمل الاشي الأحسن بناءا على نصائح علمية أنا بحكي مع ابني من وقت الحمل وجد قرفته من هو يوم بنلفلف نتعرف على كل الغرف والخزائن وكلشي بالبيت والحياة، بس من وقت الورشة، بلشت أطبق موضوع انه اسكت شوي وانه اكرر القصة الوحدة بدل التبديل 🫣 بلشت أعطيه مجال يحكي يعني هو كان تقريبا يحكي ٥ كلمات اله كم يوم تقريبا بتعمل ما معدل كلمة لتنتين باليوم او عالاقل مخزنهم بس ما كان يستخدمهم (خاصة الي اجزاء من أغنية كنت اغنيله اياها)
خديجة
كنت بحس لما سجلت فيها انه اه أكيد في أشياء ممكن تفيدني بس هلا صرت بحس انه كان رح اعمل غلط كبير إزا ما اشتركت فيها بالنسبة الي الورشة كانت اكتر من ممتازة وفادتني أنا كأم قبل ما تفيد ابني
رزان
كنت فيها الورشة احسن اشي عملتيه 😍😍شو بدي احكيلك ل احكيلك شكراً شكراً كتييير🥹يالله شو ستفدت منهااا بنتي صارت تحكي كلشيييييييي و كل مرة بشوف تطورها احسن واحسن 🤍